MULING pinaalalahanan ng Food and Drug Administration (FDA) ang lahat ng health facilities at health professionals sa bansa na sundin ang tamang paggagamot ng Department of Health (DOH) at ng medical societies sa coronavirus disease (COVID-19).
Ginawa ng FDA ang naturang pahayag matapos maglabasan sa social media ang mga kumbinasyon ng mga gamot kontra COVID-19.
Una nang kumalat sa ilang media platforms ang drug combination na Procaine at Dexamethasone na may Vitamin B na kung tawagin ay “Prodex-B” na umano´y may malaking lunas sa viral infections at iba pang uri ng sakit.
Agad na pinasubalian ng FDA, na base sa kanilang verification, ang produktong “Prodex-B” ay hindi pala rehistrado sa FDA.
Ayon sa FDA, ang Procaine at isang anesthetic para mabawasan ang kirot sa injections habang ang Dexamethasone ay isang corticosteroid na dapat ay maingat ang paggamit dahil sa dala nitong side effects gaya ng immunosuppression o mahinang immune system
Idiniin pa ng FDA na ang hindi mga rehistradong gamot ay walang garantiya na dekalidad, ligtas at mabisa na maaring makasama sa pasyente.
Pinapayuhan din ang mga pasyente na nakainom ng naturang mga gamot na i-monitor nang mabuti ang magiging reaksyon ng kanilang katawan.
Maaring makipag-ugnayan sa FDA sa email address na [email protected] at i-report sa [email protected].
Related posts:
GAMOT VS COVID KAILANGANG MABUSISI NG FDA
38 COVID-19 TESTING KITS APRUB SA FDA
NAKUMPISKANG MGA GAMOT ISINALIN SA FDA
GAMOT SA COVID-19 NA NAGPAGALING SA AFP CHIEF HINDI KASAMA SA SOLIDARITY TRIAL
2 GAMOT SA INDIA MAY POTENSIYAL VS COVID-19
17 VACCINES KONTRA COVID-19 NASA CLINICAL TRIAL STAGE –FDA
COVID-19 VACCINE DAPAT DUMAAN SA REGISTRATION PROCESS-FDA
BUMIBILI NG GAMOT ONLINE BINALAAN NG FDA