KOUAME, SOTTO SA FINAL 12 NG GILAS VS SOUTH KOREA

MASASAKSIHAN na ang pinakaaabangang debut nina Kai Sotto at Ange Kouame para sa Gilas Pilipinas sa kanilang pagsagupa sa South Korea sa FIBA Asia Cup 2021 qualifiers, Miyerkoles sa Angeles University Foundation Gym.

Ang dalawang sentro ay kabilang sa 12 players na pinili ng coaching staff para sa laro sa Miyerkoles, alas-6 ng gabi.

Lalaro rin sa unang pagkakataon para sa senior team sina RJ Abarrientos, SJ Belangel, at Carl Tamayo.

Sasamahan sila nina Justine Blatazar, Javi Gomez de Liano, William Navarro, Mike Nieto, Dwight Ramos, Jaydee Tungcab, at  team captain Isaac Go.

Para kay Sotto, ito ang kanyang unang paglahok sa Gilas men’s team matapos ang ilang taong pamamayagpag sa youth program.

Ang Filipinas ay kasalukuyang may 3-0 record sa Group A, habang ang South Korea ay may 2-0.

Related posts:

KOUAME ATAT NANG MAGLARO PARA SA GILAS KAI SOTTO ATAT NANG MAGLARO PARA SA GILAS (Sa February window ng 2021 FIBA Asia Cup qualifiers) SOTTO LALARO PARA SA GILAS KAI SOTTO EXCITED NA MAKASAMA ANG GILAS POOL SA TRAINING BUBBLE GILAS SINILAT ANG SOUTH KOREA, PASOK NA SA FIBA ASIA CUP NAKAKAWALA NA RIN SA SUMPA WALANG DUNGIS (Gilas umulit sa South Korea) RAMOS, SOTTO PANGUNGUNAHAN ANG 12-MAN LINEUP NG GILAS PARA SA FIBA OQT