NANINDIGAN ang Philippine National Police (PNP) na mataas ang bilang ng krimen sa Naga City, Camarines Sur
Sa budget briefing sa Kamara de Representantes, sinabi ni PNP Chief Oscar Albayalde na ikaanim ang Naga sa mga lungsod sa labas ng Metro Manila na may mataas na volume ng naitatalang krimen.
Pang-16 naman ito kapag kasama ang ibang lungsod sa Metro Manila.
Para naman kay PNP-Directorate for Investigation and Detective Management acting Dir. Elmo Serona, mangunguna ang Naga City kung susundin ang mathematical formula nila sa pagtaya ng crime rate ng isang lugar.
Depende ito sa laki ng crime volume kontra sa laki o liit naman ng populasyon sa isang lugar. PILIPINO Mirror Reportorial Team