UMAANI ngayon ng papuri si Manila Mayor Isko Moreno…
Sa bagong Mukha ng Divisoria na namalas ng Publiko.
Hindi naisip ng kahit na sino…maibabalik pala ang ganda nito,
Nadungisan at napabayaan kasi ng mga Ganid na Politiko!
Ang sabi naman ng ilan… na ang isip ay may ‘Papaitan’…
Ningas Cogon lamang ang aksiyon ni Isko na yan!…
Hintayin daw ang mga araw pang daraan…
Magbabalik sa dati ang Divisoria sa kasalaulaan…
Ang mahalaga rito ay ang Political Will.
Kung paano ang tukso sa pinuno ay itinatakwil…
Hindi umubra kay Mayor Isko ang mga Pasaring,
Panunuhol ng mga Diablo na sa salapi Kumikiling.
Bakit ba ganito ang Tapang ni Mayor Isko….
Ito ay dahil sa Maynila siya lumaking Totoo…
Naging batang Kalye na laging gutom sa may kanto
Sinusubok ang lahat ng makakayang Trabaho.
Ipinamalas niya ang kahalagahan ng pangangarap,
Kung ito ay hahangarin, iyong matutupad..
Balewalain mo muna mga Kritikong nagkalat
Maniwalang sa patnubay ng Diyos makakamit ang Hangad
Kaya dasal na lamang ng lingkod n’yong Makata…
Pamumuno ni Mayor Isko Moreno ay magtagumpay nawa
Mahalaga rito ang pakikibahagi ng mga taga-Maynila…
Sa mga Ordinansa lahat sana ay susunod-tatalima.
Maibalik na nga sanang tuluyan ang Marangal na mukha ng Maynila!
(Si Edwin Eusebio ay araw-araw na naririnig sa DWIZ 882 am Radio)
Comments are closed.