BULACAN – PATAY ang holdaper makaraang makipagbarilan sa mga pulis sa bahagi ng Sitio Dulo, Brgy. Lambakin, Marilao, nitong Linggo ng gabi sa nasabing lalawigan.
Sa paunang imbestigasyon ng mga pulis, una na silang nakatanggap ng tawag mula sa biktimang si Malvin Navarro, 42-anyos ng Brgy, Lias na hinoldap ng dalawang armadong lalaki.
Ayon sa biktima, nakasuot ng kulay itim na jacket at kulay brown na t-shirt ang mga suspek na sakay ng kulay asul na motorsiklo na walang plaka.
Nabatid na ganap na alas-4:25 ng hapon nang mangyari ang robbery hold-up sa convenience store sa Brgy, Saog kung saan natangay ng mga suspek ang P4,190.00 cash at personal na gamit ng biktima gaya ng alahas at cellphone na tumakas patungo sa Brgy. Lambakin.
Nagkaroon ng hot pursuit na kung saan natunton ang mga holdaper sa Sitio Dulo na sa halip na sumuko ay nakipagbarilan sa mga pulis.
Nakuha ng SOCO sa pinangyarihan ng engkwentro ang dalawang cal. 38 na baril at mga bala, at mahahalagang gamit.
Samantala, patuloy pang inaalam ng mga awtoridad ang pagkakakilanlan ng mga napatay na suspek.
THONY ARCENAL