Mga laro ngayon:
(Santa Rosa Multipurpose Sports Complex)
2 p.m. – EST Cola
vs Creamline
4 p.m. – Farm Fresh
vs Cignal
MAGAAN na dinispatsa ng defending champion Kurashiki Ablaze ang Farm Fresh, 25-13, 25-16, 25-16, para sa kanilang ikalawang sunod na panalo sa Premier Volleyball League Invitational Conference kahapon sa Philsports Arena.
Nanguna si Cing Low Mei para sa Ablaze na may 12 points, kabilang ang 4 blocks, habanv bumanat si Saya Taniguchi ng 10-of-21 kills at nakakolekta ng 6 digs.
Ikinatuwa ng Foxies, na pinamunuan ni Trisha Tubu na may 9 points, ang paglahok sa torneo, at umaasang makabuo ng chemistry kay reinforcement Asaka Tamaru.
“Magandang experience sa amin,” sabi ni Tubu, ang Reinforced Conference’s Best Opposite Spiker.
Si Tamaru, gumanap ng key role sa title run ng Kurashiki noong nakaraang taon, ay nag-debut bilang Farm Fresh import na may 8 kills, 9 digs at 17 receptions. Si Tamaru ay reinforcement ng ZUS Coffee noong huling conference.