BAKAS na bakas sa mukha ni ‘Iron Man’ L.A. Tenorio ang kasiyahan sapagkat nagkaroon ng katuparan ang pangarap nilang mag-asawa na mabiyayaan sila ng babaeng anak.
Nitong September 10 ay nanganak ang kanyang misis na si Chesca ng isang malusog na babae. Kota na nga raw si Tinyente dahil mayroon na siyang tatlong barako. Ngayon pa lamang ay very inspired si L. A sa kanyang baby girl, pati ang mga anak niyang lalaki ay excited sa kanilang kapatid. Congrats!
o0o
Gustong bumalik ni Sol Mercado sa kampo ng Brgy. Ginebra. Pinakawalan siya ng NorthPort Batang Pier pagkatapos ng kanyang kontrata. Sa kasalukuyan ay free agent ang Fil-Am player kaya kahit kunin muli ito ng Gin Kings ay walang kailangan na kapalit Ang malaking katanungan lamang ay interesado pa rin kaya ang Ginebra management sa kanya. Puno na ang position ni Mercado kaya pinag-iisipan pa ito ng team.
o0o
Tuwang-tuwa na sinabi ni Calvin Abueva na makakabalik na siya sa PBA bagaman walang anunsiyo na galing sa PBA Commissioner’s Office ni Kume Willie Marcial. Posibleng nasabi na ito ng PBA kay Abueva na lalaro na siya muli, hindi naman nito ipagsisigawan sa kanyang Instagram kung walang go signal ang PBA sa kanya na babalik na ito sa liga. Congrats kay Abueva na sa loob ng 15 buwan ay nawala sa eksena. Siguradong medyo magbabago ang ugali ng Kapampangan player sa loob ng court. Pero iyong pagiging makulit niya ay dapat ganun pa rin. Kasi kung mawawala ang kakulitan ni Calvin sa paglalaro, hindi na siya ‘yun. Good luck na lang kay Calvin.
Comments are closed.