LADY BLAZERS, LADY ALTAS AGAWAN SA SOLO LEAD

Standings W L
Benilde 3 0
Perpetual 3 0
LPU 3 0
Arellano 2 1
Mapua 2 1
Letran 1 1
EAC 0 2
SSC-R 0 3
JRU 0 3
San Beda 0 3

Mga laro ngayon:
(San Andres Sports Complex)
9 a.m. – EAC vs Letran (Men)
12 noon – EAC vs Letran (Women)
2 p.m. – Benilde vs Perpetual (Women)
4:30 p.m. – Benilde vs Perpetual (Men)

MAGSASALPUKAN ang defending champion College of Saint Benilde at preseason favorite University of Perpetual Help System Dalta para sa solo lead sa NCAA women’s volleyball tournament ngayon sa San Andres Sports Complex.

Ang Benilde at Perpetual ay nakaipit sa three-way tie sa walang larong Lyceum of the Philippines University sa unang puwesto sa 3-0.

Sisikapin ng Letran na maibalik ang kanilang winning ways sa pagsagupa sa wala pang panalong Emilio Aguinaldo College sa alas-12 ng tanghali.

Ang Lady Knights ay nasa sixth spot na may 1-1 record. Ang panalo ay maglalagay sa Letran sa tie sa Arellano University at Mapua sa 2-1.

Si Gayle Pascual, ang Finals MVP noong nakaraang season, ay nagpalabas ng matinding leadership para sa Lady Blazers, na naging solid sa kabila ng pagkawala ni reigning MVP Mycah Go ngayong taon.