LADY TAMS, GREEN SPIKERS SA V-LEAGUE FINALS

MULING nadominahan ng Far Eastern University ang University of Perpetual Help System Dalta, 25-16, 25-20, 25-17, upang kunin ang nalalabing championship berth sa V-League Collegiate Challenge kahapon sa Paco Arena.

“Mas pinag-focus ko sila, mas pinag-usap ko sila para makabalik kami sa gusto naming sistema, para hindi namin magising si Perps. Kasi iba rin trumabaho si Perps,” sabi ni interim coach Manolo Refugia makaraang kunin ng Lady Tamaraws ang best-of-three semifinals series, 2-1.

Makakasagupa ng FEU ang NCAA holders College of Saint Benilde sa Game 1 sa Miyerkoles sa parehong Manila venue.

Sa men’s division, inangkin ng La Salle ang huling ticket sa Finals sa 25-17, 25-15, 25-19 sweep sa fabled rival Ateneo.

Nagwagi ang Green Spikers, natalo sa Blue Eagles sa eliminations at sa semis opener, sa series, 2-1.

Makakaharap ng La Salle ang streaking University of Santo Tomas sa finals.