LAGUNA- NANGUNA ang Laguna PNP sa Unit Performance Rating (UPER) sa hanay ng limang lalawigan sa Calabarzon.
Ito ang napag- alaman mula sa tanggapan ni BGen. Carlito Gaces, Calabarzon PNP Director na kung saan ay ipinamamalas lamang na patuloy na tumatalima ang mga alagad ng batas sa direktiba ng pamumuan ng PNP.
Sa pangunguna ni Col. Randy Glenn Silvio, Laguna police director, nakuha ng lalawigan ang mag- number one dahil sa tuloy- tuloy at walang puknat na operasyon ng buong puwersa ng Laguna policemen sa pagsugpo sa lahat ng uri ng krimen sa lalawigan.
Ayon kay Silvio, hindi kailanman magsasawa ang kanilang tanggapan na lusubin at hanapin ang mga taong gumagawa ng illegal na aktibidad sa lalawigan lalo na’t nabibiktima ng mga ito ang mga inosenteng mamamayan.
ARMAN CAMBE