LAGUNA- NALAMBAT ng mga awtoridad ang tinaguriang Laguna’ s most wanted person sa ikinasang manhunt operation ng mga pulis sa pinagtataguan nitong hide- out sa Barangay Bubucal, Santa Maria sa noong Huwebes ng umaga.
Sa ulat ni Major Eviener Boiser, hepe ng Sta. Maria police station, nakilala ang suspek na si alias Jake, 26-anyos at residente ng nasabing lugar.
Ayon kay Boiser, ang suspek ay inakusahan ng kasong murder kung saan ito ang itinuturo ng maraming saksi na siyang bumaril at pumatay sa biktima.
Sa masusing imbestigasyon ng tanggapan ng mga tauhan ng Sta Maria police station, kaibigan ni alias Jake ang napatay nito na isang taong simbahan.
Nagkaroon umano nang mainitang pagtatalo ang dalawa na humantong sa pagpatay ni Jake sa biktima.
Sa bisa ng isang warrant of arrest na inisyu ng Regional Trial Court branch #33 ng Siniloan, Laguna ay mabilis na naaresto si alias Jake. ARMAN CAMBE