VALENZUELA CITY – ARESTADO ang isang kawatan habang nakatakas ang kasabwat nito sa pagnanakaw at pananakit sa dalawang kelot sa lungsod na ito.
Kinilala ang naaresto na si alyas Vince ng Paso De Blas, Valenzuela City habang posibleng nagliliwaliw na ang partner nito na si alyas Paping.
Naganap ang insidente alas-11:45 ng gabi sa Paso de Blas Road, Paso de Blas, ng lungsod.
Naglalakad sa nasabing lugar ang mga biktimang sina alyas Sonny, 19, construction worker, stay-in sa construction site at Christian Sagadal Montallana, 23, katrabaho ng una nang mag-krus ang landas nila ng mga suspek.
Dinaklot ng mga suspek ang kwintas ni Sonny habang hinila ng isa pa ang ang leeg ni Montallana kaya’t napinsala ito, saka pinagtulungan ng mga suspek na kunin ang bag gayundin ang cellphone.
Nakipagbuno ang mga suspek at biktima ngunit sa dakong huli ay naigupo ito ng mga suspek at natangay ang bag.
Agad iniulat sa pulisya ng mga biktima ang insidente at sa follow-up operation ay nasakote si Vince at inginuso nito ang kasabwat ngunit wala na ang mga ninakaw sa mga biktima. EVELYN GARCIA
