LCSP PUMALAG SA FRANCHISE CONSOLIDATION NG LTFRB

PINALAGAN ng isang commuter at transport advocate group ang franchise consolidation na ipatutupad ng Land Transportatiin Franchising and Regulatory Board (LTFRB) at Department of Transportation (DoTR).

Ayon kay Lawyers for Commuters Safety and Protection (LCSP) Founder Atty. Ariel Inton, sakaling manatili at tuluyang maipatupad ang ganitong uri ng polisiyang pag- consolidate ng mga prangkisa sa mga kooperatiba o korporasyon ay malaking problema na naman ang maidudulot nito.

“Ang epekto nito ay nababawasan ang maaaring masakyan ng mga pasahero. kawalan ng trabaho sa mga driver at konduktor gayundin ang pagkawala ng kita ng hanapbuhay ng mga operator na may prangkisa,” pahayag ni Inton na naging dating LTFRB board member.

Kaalinsabay nito, muling umapela ang LCSP sa LTFRB at DoTR na madaliin na ang pagbubukas ng marami pang mga ruta at payagan nang bumiyahe ang mga PUV upang may masakyan ang mga commuter habang patuloy na ipinaiiral ang istriktong health and safety protocols para labanan ang nakahahawang sakit na Covid-19.

Inirekomenda ni Inton na iwasan ang pagpuputol ng mga ruta na nagdudulot ng karagdagang sakay at gastos sa pamsahe ng mga  mananakay.

“Yung hirap ng palipat lipat ng sasakyan ay nage-expose sa mga pasahero dahil nasa lansangan sila ng mas matagal para lang mag- abang at lumipat ng masasakyan,” wika pa ni Inton.

Sinabi pa nito na sa iminumungkahing modified general community quarantine (MGCQ), asahan na ang mas maraming bugso ng mga pasahero kung kayat rekomendasyon ng LCSP na dagdagan ang mga units para sa public transport.

“Kaya dapat istriktong ilatupad ang ang health protocols kapag ipinairal na ang MGCQ,” dagdag pa ni Inton.

Aniya, iba ang dagdag na masasakyan sa dagdag sa pwedeng sumakay, kung saan ang ibig sabihin ng una ay mas marami ang masasakyan habang ang pangalawa ay mas marami ang isasakay. BENEDICT ABAYGAR, JR.

Related posts:

LTO HINAMON NG LCSP NA GAWING PUBLIC ANG PMVIC PA NG ‘TRUCK-FOR-HIRE’ PINALAWIG NG LTFRB OPERATORS, AGRABYADO SA NO-CONTACT APPREHENSION NG LGU -LCSP VAN OPERATORS, HUMINGI NG TULONG SA LCSP (Muling Ipinatupad ng DOTr, LTFRB) FREE RIDES SA FRONTLINERS TAAS PRESYO NG LANGIS HUWAG IPAPASAN SA MGA PASAHERO- LTFRB PANAWAGAN SA GOV’T: JEEPNEY MODERNIZATION IBASURA (Sa jeepney modernization) WALANG TAAS-PASAHE