SUPORTADO ng mga senador ang naging desisyon ni Vice President Leni Robredo na tanggapin ang inialok ni Pangulong Rodrigo Duterte bilang co-chair ng inter-agency on anti-illegal drugs.
Ayon kina Senate President Tito Sotto, Senators Christopher “Bong” Go, Ronaldo “Bato” dela Rosa, Senate Minority Leader Franklin Drilon, Senators Francis “Kiko” Pangilinan at Sonny Angara at Panfilo “Ping” Lacson na tama lamang ang naging desisyon ng ikalawang pangulo.
Umaasa ang mga senador na malaking tulong si VP Leni para sa pagsugpo ng ilegal na droga ng kasalukuyang administrasyon.
Tinukoy naman ni Go na dapat bigyan ng pagkakataon si VP Leni para patunayan ang kanyang sarili sa bago niyang puwesto.
Aminado naman si Dela Rosa na bagaman hindi niya kilala si VP Leni at hindi niya alam ang kakayahan nito, subalit umaasa siyang makatutulong ito sa Pangulo ng bansa.
Hindi naman naitago ni Angara ang pagkagulat sa naging desisyon ng ikalawang pangulo sa hamon ng Pangulo.
Nagpahayag naman sina Lacson, Sotto, dela Rosa at Go ng anumang tulong kay VP Leni sa sandaling kailanganin nito para sa pagsugpo sa illegal na droga. VICKY CERVALES
Related posts:
LAMANG NI LENI MABUBURA (‘Pag napawalang-bisa ang boto sa 3 lalawigan sa Mindanao)
ROBREDO ITINALAGANG DRUG CZAR NI DUTERTE
DUTERTE NATUWA SA PAGTANGGAP NI ROBREDO NA MAGING DRUG CZAR
UN ‘DI MAKIKIALAM KAY LENI SA DRUG CAMPAIGN
LENI ‘DI BINIGYAN NG CABINET RANK
BANTA NI LENI INISMOL NG PALASYO
(“‘Wag nang ilabas ang info”) LENI PINAYUHAN NI LACSON
BBM SASAGOT SA PET UKOL SA ELECTORAL PROTEST