LIBRENG CONTACT TRACING TRAINING NG TESDA

MAGBIBIGAY  ang Technical Education and Skills Development Authority (TESDA) ng libreng contact tracing training  upang makatulong na maiwasan ang  pagkalat ng Corona Virus Disease ( COViD-19) sa bansa.

Dahil dito , hinimok ng TESDA ang local government units (LGUs) na samantalahin ang pagkakataon para sa libreng  contract tracing training program (CTTP) upang matulungan  sila na  madetermina ang sinumang indibidwal na nagpositibo sa virus at hindi na makahawa pa.

Inatasan din ni TESDA chief  Secretary Isidro Lapeña ang kanilang  Qualifications and Standards Office na agad na bumuo ng competency  standard para sa contact tracing

para suportahan  ang kampanya ng pamahalaan laban sa pagkalat ng Covid-19

Nauna na ring pinangunahan  ni Lapena ang virtual class opening ng unang batch para sa CTTP ang

TESDA MUNTIPARLASTAPAT Training and Assessment Center.

“Our Contact Tracing Level II training program is another response and contribution of TESDA in the whole-of-government approach to fighting the pandemic. I also commend our trainees for taking part in this program. Your efficiency as contact tracers will be crucial in preventing the further spread of the virus in your communities,” pahayag ni Lapena

Inatasan din ni Lapena ang TESDA Technology Institutions (TTIs) sa buong bansa na makipag-partner sa  mga barangay health centers, LGUs, Red Cross, o DOH facilities  sa kanilang lugar ukol sa nasabing program

Magugunita sa public hearing  na isinagawa sa Kamara ng House Committee on Metro Manila Development,  iginiit ni  Interior and Local Government Undersecretary Jonathan Malaya na ang pamahalaan ay nangangailagan ng mahigit sa 10,000 contact tracers sa Metro Manila

Ang training para sa contact tracing  na magkatuwang na binuo ng Health Human Resources Development Bureau  ng Department of Health  (DOh) at  health industry experts ay tatagal lamang ng  15 araw sa pamamagitan ng blended learning.

Ang mga trainee naman ay dapat na may 10 years basic education o kaya ay mayroong Alternative Learning System  (ALs) certificate of completion na may katumbas na  grade 10 na basic communication skills.

Ang mga trainee  ay bibigyan ng training allowance na nagkakahalaga ng PhP2,400, insurance coverage, internet allowance, at free health protection equipment.

Ang mga graduate ay maaaring mag-aplay sa LGUs o maaaring maging bahagi ng  local contact tracing team upang madaling madetermina kung sino-sino ang mga nagkaroon o nahawaan ng Covid-19. LIZA SORIANO