PINASINAYAAN ng DOH Bicol CHD ang BRGHGMC WeCare Hub, isang klinika na nag-aalok ng libreng HIV screening, paggamot at suporta para sa mga Persons Living with HIV kasabay sa paggunita ng 37th World AIDS Day nitong Disyembre 10 na may temang “Take the Rights Path.”
Ang naturang seremonya ay pinangunahan ng Department of Health Bicol Center for Health Development, katuwang ang Bicol Region General Hospital and Geriatric Medical Center, BRGHGMC Medical Center Chief na si Dr. Ramon C. Echano Jr. at ni Mr. Samuel Banico, National AIDS and STI Program Manager ng DOH Bicol CHD.
Binigyang-diin sa pagdiriwang ang paggamit ng human rights approach laban sa HIV/AIDS sa pamamagitan ng pagwawakas ng stigma at diskriminasyon, pag-empower sa mga kabataan at pagsulong ng maagang detection sa pamamagitan ng HIV testing.
Hinihikayat ng DOH Bicol CHD ang publiko na magtungo sa pinakamalapit na health center para sa libreng HIV screening at magpraktis ng mga malusog na gawi upang maiwasan ang pagkalat ng virus.
RUBEN FUENTES
Related posts:
(Para sugpuin ang pagkalat ng COVID-19) PNP, DOH, MMDA SUMAKLOLO SA PASAY
(Mga biktima umabot na sa 96) POSIBLENG KAMATAYAN SA MGA TINAMAAN NG PAPUTOK
231 SUGATAN DAHIL SA PAPUTOK
(Para sa Pista ng Itim na Nazareno) ‘CODE WHITE’ IDINEKLARA NG DOH
2 NASAWI SA COVID
453 KATAO SUGATAN SA TRASLACION- DOH
(Isusulong ng DILG) PERMANENTENG POSISYON SA BARANGAY HEALTH WORKERS
CERVICAL CANCER SCREENING INILUNSAD