NAGSASAGAWA ng libreng spaying at neutering (kapon) sa may mga alagang aso at pusa ang Las Piñas City (CVO) Veterinary Office sa dalawang komunidad sa Las Piñas.
Umabot sa 180 aso at 100 pusa cats kinapon ng CVO sa ilallim ng superbisyon ni Dr. Michael Basangan.
Nakibahagi din sa naturang outreach program ng pagkakapon ng mga hayop ang Philippine Pet Birth Control Center Foundation (PPBCC) na pinamumunuan ni Dr. Mace Resureccion at lima pang beterinaryo outreach.
Ginanap ang naturang aktibidad sa covered court ng Talon Singko at sa Angro I Homeowners Association.
Kasabay nito, inihayag sa mga residente ng lungsod na namamahagi rin ang lokal na pamahalaan ng libreng anti-rabies shots para sa kanilang mga alagang hayop.
Ang naturang grupo ay umiikot sa buong lungsod para sa pagsasagawa ng pagkapon sa mga hayop at maaari rin na magpa-iskedyul ng pagdalaw sa kanilang lugar ang mga ito sa pamamagitan sa pagtawag sa telepono sa numero bilang 8255-2911. MARIVIC FERNANDEZ