LIBRENG SAKAY SA 19 ARAW

SIMULA sa Mayo 6, magkakaroon ng pag­ kakataon ang mga pasahero na makasakay nang libre sa tren na gawang Pinoy.

Ang  Hybrid Electric Train (HET)  ng Department of Science and Technology ay may rutang Alabang, Muntinlupa hanggang sa Biñan, Laguna

Kailangang tapusin ng Philippine National Railways (PNR)  ang 150 oras o tinatayang 19 araw  na run time para sa tren bilang bahagi ng turnover process.

Kahapon ay pinasinayaan na ang HET sa ­pangunguna ni DOST-Philippines Secretary Fortunato de la Peña, sa PNR Biñan, Laguna station.

Ipinagmalaki  na ito ay 100% locally made train na isinulong ng Metals Industry Research and Development Center (MIRDC)  ng DOST.

“A product of the DOST-MIRDC’s research and development initiatives, the HET technology is a breakthrough in its own right.  This home-grown technology, once given a chance, is going to make the Filipinos’ public transportation challenges a thing of the past,”  ang pahayag sa MIRDC website.

“The HET aims to raise the efficiency of the PNR’s operations through reduced production and operational costs,” dagdag pa nito.

Nagsimula ang proyekto noong 2016 at noong 2018  ay pumasa ito sa  reliability, availability, maintainability at safety testings.

Fully airconditioned ang coaches ng tren, may CCTV system, LED TV sets at automatic sliding doors.

CANADA KUMILOS NA SA BASURA

AGAD na kumilos ang Cana- dian Embassy sa Filipinas sa banta ni Pangulong Rodrigo Duterte na nakahanda siyang makipag-away kapag hindi hinakot pabalik ang kanilang basura na matagal nang na- tengga sa bansa.

Ayon sa pahayag ng Canadian Embassy, makikipagtulungan sila sa mga ahensiya ng gobyerno para resolbahin ang nasabing problema.

Dagdag pa ng Embahada ay kinikilala nila ang desisyon ng korte sa importer na nag-uutos ibalik ang mga basura sa Canada.

Iginiit ng Embahada  na matibay ang relasyon ng da­lawang bansa at nagkakaisa sa layuning patatagin ang relasyong politikal,  ekonomiya at maging ang kultura.

Mayroon  na umanong technical group mula sa magkabilang kampo na  nagsasagawa ng pag-aaral kung paano maiaalis ang basura na hindi makasasama sa kapaligiran.

Nilinaw  ng  Canada na  nagpapatupad na sila ng bagong panutunan sa hazar­dous waste shipments noong 2016 upang hindi maulit ang ganitong  pangyayari.

Nauna dito ay  nagbanta ang Pangulo sa  situation briefing sa Provincial Capitol sa San Fernando, Pampanga na mayroon na lamang hanggang sa susunod na linggo ang Canada para hakutin pabalik ang kanilang basura.

Kapag umano  hindi pa kinuha ng Canada ang kanilang basura ay siya mismo ang magpapadala nito sa naturang bansa sakay ng isang barko.

Tila kinakaya-kaya umano ng Canada ang Filipinas at hindi umano siya makapapayag sa ganitong trato sa mga Filipino.

“Awayin natin ang Ca­nada. We will declare war against them. Kaya man natin ‘yan sila. Isauli ko ‘yan talaga. Ikarga mo ‘yan sa barko and I will advise Canada that your garbage is on the way, prepare a grand reception. Eat it if you want to,” pahayag ng Pangulo. (Tren na gawang Pinoy lalarga na.