RIZAL- Timbog ang lider ng isang criminal group sa isinagawang operasyon ng pulisy sa Brgy. Cupang, Antipolo City.
Sa pinagsanib na puwersang operasyon kontra Most Wanted Persons ng mga tauhan ng Provincial Intelligence Unit (lead unit) katuwang ang Antipolo CCPS at RIT RIZAL-RID 4A, naghain ng Warrants of Arrest laban kay alyas “Darwin”, 30- anyos, isang construction worker at residente ng Antipolo City para sa kasong Murder na walang kaukulang piyansa at Homicide na may P120,000.00 nirerekomendang piyansa ng korte.
Ang naarestong indibidwal ay akusado sa pagpatay kay alyas Kalbo noong Pebrero 10, 2022 sa Brgy. Cupang, Antipolo at kay alyas Alvin noong Oktubre 27, 2021 sa Brgy. Mayamot, Antipolo City gamit ang hindi malamang kalibre ng baril.
Ang naturang indibidwal ay lider ng Nicdao criminal group na pangunahing nagpapalaganap ng iligal na droga sa lungsod ng Antipolo at mga karatig bayan na nakatalang Ranked No. 5 MWP ng PRO 4A.
ELMA MORALES
