Ligtas at kalidad na LPG, abot-kaya na dahil sa Solane Sakto

TUMAAS man ang presyo ng mga bilihin, abot-kaya pa rin ang ligtas at kalidad na panggatong sa kusina sa araw-araw na pagluluto. Ipinakikilala ng Solane, isa sa mga pinagkakatiwalaang LPG brand sa bansa, ang Solane Sakto, isang mini-LPG tank na may lamang 1.4 kilo ng LPG, na may saktong laki, saktong gaan at saktong presyo.

Katulad ng Solane LPG na nakasanayan na sa nakalipas na limang dekada, ang Solane Sakto ay de-kalidad at ligtas gamitin – ngunit may saktong laki at saktong gaan lang.

Sa presyong PHP 150 bawat refill, ang Solane Sakto ay abot-kaya at mas ligtas na panggatong sa kusina kumpara sa uling at iba pang mapanganib na panggatong tulad ng illegally-refilled butane canisters. Ito ang tanging maliit na LPG tank na ligtas at aprubado ng Department of Energy para gamitin sa loob ng bahay.

Ang saktong laki at saktong gaan ng Solane Sakto ay swak para sa mga tahanang nagtitipid, mga estudyante, mga nagsisimulang pamilya at mga negosyo dahil kasya ito sa mga maliliit na kusina at espasyo. Madali lang itong ikabit sa nakasanayang LPG o canister-fed cooking stoves.

Para sa mga mahilig magsalu-salo at magbakasyon, ang Solane Sakto ay magaan at maaari ring dalhin kahit saan at gamitin sa labas ng bahay. Ito may collar handle kung kaya’t madaling bitbitin, mapa-picnic man, camping o simpleng handaan.

Ang isang tangke ng Solane Sakto ay kayang magtagal nang hanggang isang linggo kapag gamit ng pamilyang may limang katao. Para sa mas mabibigat na pagluluto, maaari naman itong magtagal ng tatlo hanggang apat na araw.

Gaya ng verified Solane 11kg AS (de-salpak) at POL (de-roskas) na tangke, ang mga tunay at awtorisado sa Solane Sakto ay may tatak ng registered brand name at trademark ng manufacturer, standard used and test dates, serial number o code number, marka na ‘Made in the Philippines’, expiry date at tare weight in kilograms sa mga tangke nito.

Tanging ang mga verified Solane tanks lang din ang may puting biodegradable seals at may tamang timbang na humigit-kumulang 4.1 kilos.

Para siguradong lehitimo at ligtas ang Solane LPG na oorderin, maaaring tumawag ang mga customer sa Hatid Bahay Hotline (02) 8887-5555, magsend ng message sa 0918-887-5555 (Smart) o 0917 8977555 (Globe), bumisita sa Solane Facebook page, o magsumite ng order sa Solane LPG app  o Solane web ordering platform.