LIMITADONG FACE TO FACE CLASSES SA MGA LUGAR NA ZERO COVID

ISINUSULONG ni Senador Francis “Tol” Tolentino ang pagkakaroon ng limitadong face-to face classes sa mga island province sa bansa na walang kaso ng CO­VID-19 sa pagbubukas ng klase sa Setyembre.

Sinabi ni Tolentino, na ilang island provinces tulad ng Guimaras, Bi­liran, Batanes at Camiguin na mayroong zero COVID-19 infection rate ay dapat payagan ng national government na magsimula ng face to face classes para sa mga estudyante habang pinaiiral pa rin ang minimum health protocol guidelines ng Inter-Agency Task Force (IATF).

Idinagdag pa ng senador na mayroong dapat ilang mga lugar sa kapuluan ng bansa ang dapat payagan na ang face to face classes at hindi na dapat pa umasa lang sa kasaluku­yang blended learning curricu­lum na ipinapatupad ng Department of Education (DepEd) dahil hindi naman ito epektibo dulot na rin ng problema sa internet connections.

Iginiit pa ni Tolentino  na karamihan na rin naman sa mga guro ay nabakunahan kaya dapat ikonsidera ng gob­yerno ang dahan dahang pagbubukas ng face to face classes sa mga ligtas na lugar sa bansa sa COVID-19.

Nauna nang inanunsiyo ni DepEd Secretary Leonor Briones na magsisimula ang school year 2021-2022  sa Setyembre 13 sa gitna ng banta ng Delta variant  strain  ng COVID-19 virus. LIZA SORIANO

Related posts:

(Sa mga lugar lamang na may mababang kaso ng COVID-19:) PAGBABALIK NG FACE-TO-FACE CLASSES, KAILANGAN ISAILALIM SA PILOT TESTING FACE TO FACE CLASSES KINONTRA FACE TO FACE CLASSES SA COVID-19 FREE AREA MALABO PA-DEPED (Kapag iniutos ni Duterte) FACE-TO-FACE CLASSES PAPAYAGAN FACE-TO-FACE CLASSES KINANSELA PAGKANSELA SA PILOT FACE-TO-FACE CLASSES SUPORTADO NI BONG GO PANEL OF EXPERT PARA SA FACE TO FACE CLASSES KAHIT PABOR TAYO, FACE-TO-FACE CLASSES, MAAARING MAGING SUPER SPREADER NG COVID-19