QUEZON- ARESTADO sa isang drug buy bust operation ng Lucena PNP ang mag live-in partner sa Purok Mulawin bahagi ng Barangay Isabang, Lucena City sa lalawigang ito kahapon ng umaga.
Kinilala nina ni Lt Col Reynaldo Reyes at Lt Jerome Ubaldo ang mga suspek na sina Jennifer Maullion, 34-anyos, teacher at kinakasama nito na si Erwin Deduyo,31-anyos, driver na kapwa residente ng nabanggit na lugar.
Nabatid na dakong ala-6:35 ng umaga nang isagawa ang drug buy bust sa mag live-in partner na nagresulta sa pagkakadakip sa mga ito.
Nakuha sa posesyon ng mga suspek ang apat na transparent heat sealed plastic sachets na naglalaman ng shabu at P500 buy bust money ng pulis na nagpanggap na poseur buyer.
Dagdag pa ni Reyes, matagal na nilang sinusubaybayan ang mga suspek dahil sa mga impormasyon ng taong barangay sa drug activities ng dalawa at nasa listahan din ng pulisya bilang Newly Identified Drug Personality.
Kasalukuyang nakakulong ang dalawa sa Lucena PNP costudial facility at sinampahan na ng mga kasong paglabag sa RA 9165. BONG RIVERA