ISABELA-NAARESTO ang live-in partners sa buy-bust operation na ikinasa ng pinagsanib na puwersa ng Station Drug Enforcement Unit (SDEU) sa ilalim ni P/Capt. Jose Cabbadu, Jr. at Philippine Drug Enforcement Agency (PDEA) Region-2 at Station 2 ng Santiago City Police Office (SCPO) sa pamumuno naman ni P/Major Jeneffer Flores sa Barangay Rizal, Santiago City.
Nakilala ang mga nadakip na sina Malick Shehada, 27-anyos, magsasaka at ang karelasyong si alyas Elsa, pansamantalang nanunuluyan sa Brgy. Sinamar, San Mateo.
Ayon sa PNP Santiago, nakatanggap sila ng ulat ng pagtutulak ng droga ng magkarelasyon kaya agad na nagsagawa ng buy-bust operation.
Nakipag-transaksiyon ang dalawa sa isang pulis na nagpanggap na buyer kapalit ng P2,000, na nagresulta ng pagkakadakip ng mga ito. IRENE GONZALES
Comments are closed.