(Lokal na ekonomiya makikinabang) ECONOMIC CHA-CHA

BINIGYANG-DIIN ni House Committee on Constitutional Amendments chairman at AKO Bicol Parylist  Rep. Alfredo Garbin Jr. na pangunahing makikinabang sa pag-amyenda sa ilang probisyon ng Saligang Batas sa larangan ng foreign investments sa bansa ang iba’t ibang lokalidad sa anyo ng makokolekta nilang dagdag na buwis at iba pa.

Ayon sa House panel chairman, malinaw sa datos ng Philippine Statistics Authority (PSA) na ang foreign direct investments (FDIs) ay nagpapasok ng malaking halaga ng kapital at nagpapalakas sa local economies.

Partikular na tinukoy ni Garbin ang pumasok na foreign investments sa Philippine manufacturing sector kung saan ang mga local government unit na pinagtatayuan ng mga bago at dagdag na negosyo ay tumaas ang nakolektang local taxes,  gayundin ang pagbubukas ng oportunidad para sa kani-kanilang mga residente na magkaroon ng high quality jobs.

“This capital contributes to the local economy by paying taxes, so many taxes — business taxes, real property taxes, income taxes. It also brings advanced technology, management expertise, most importantly technology transfer, and it also significantly increases the much needed employment op-portunities sa ating mga kababayan,” sabi pa ng kongresista.

Ayon kay Garbin, base sa datos ng PSA sa pumasok na FDI, nakapagbigay ito ng 1.278 milyong trabaho sa manufacturing sector, na may annual per capita income na P294,000, kaya naman nagiging daan din ito para maibaba ang antas ng kahirapan sa  bansa.

“Being open to foreign direct investment addresses not just economic growth, but it also addresses economic development,” sabi pa niya.

Ginawa ng mambabatas ang pahayag kasunod na rin ng pagsalang sa plenaryo ng Kamara sa Resolution of Both Houses Number 2 (RBH 2), na pangunahing iniakda ni Speaker Lord Allan Velasco, na naglalayong maamyendahan ang economic provisions ng 1987 Constitution.

Sa pagbubukas ng deliberasyon para sa RBH 2, tinalakay ang mga magiging benepisyo, gayundin ang posibleng negatibong epekto sa pagluluwag sa pagpasok ng mga dayuhang mamumuhunan sa iba’t ibang local business sectors ng bansa. ROMER R. BUTUYAN

Related posts:

EKONOMIYA HIRAP NA, LOCKDOWN DAPAT ITIGIL NA (Sa pagbubukas ng Camiguin Airport) EKONOMIYA, TURISMO SISIGLA (Sa pagbaba sa Alert Level 2 ng NCR) P10.3-B DAGDAG SA EKONOMIYA KADA LINGGO PATULOY NA PAGBANGON AT PAGPAPALAGO NG EKONOMIYA SA KABILA NG PANDEMYA PH ECONOMY LUMAGO NG 7.1% SA Q3 (Sa pagtaya ng NY-based think tank) PH ECONOMY LALAGO NG 5.5% BUSINESS, CONSUMER CONFIDENCE (Tumaas sa gitna ng bumubuting ekonomiya) (‘Best defense’ ng ekonomiya ng bansa) AGRI SECTOR PALAKASIN