LOLO, 1 PA TIKLO SA P30K ENSURE GOLD

KULUNGAN ang binagsakan ng 61-anyos na lolo at kasama nito habang nakatakas ang dalawa pa tangay ang sampung Ensure Gold kahapon sa Marikina City.

Ayon sa ulat na tinanggap ni Col. Benliner Capili, hepe ng pulisya ang nadakip na sina Roger Rosales y Martinez at Linda Asupan y Abes, habang nakatakas naman ang 2 kasama na sina alyas Danny Billiard at alyas Marissa.

Pormal naman na nagreklamo laban sa mga suspek ang complainant na si Mary Rose Cruz, 37-anyos ng Watsons Pharmacy.

Nabatid na dakong alas-2:50 ng hapon kamakalawa pumasok ang mga suspek bilang costumer sa Watsons Pharmacy sa Lot-2, Blk-37, West Drive St., kanto ng Champaca St., Brgy., Marikina Heights sa lungsod.

Sa pahayag ng sekyu na si Adrian Santos, 31-anyos na namili ang mga suspek ng 12 Ensure Gold kung saan binayaran ang 10 gamit ang expired na credit card na napansin ng bagger.

Dahil dito, babayaran na lang daw ng mga suspek ng cash na sinamantala naman ng dalawang kasama nito tumakas bitbit ang 10 Ensure Gold na inilagay na ng bagger sa box na nagkakahalaga ng P30, 160.00.

Narekober naman ang 2 Ensure Gold na nagkakahalaga ng P6, 032.00 sa mga nadakip na suspek na nahaharap sa kasong theft.

Habang target ng awtoridad ang mga tumakas sakay isang kotse. ELMA MORALES

Related posts:

LOLO TUMIHAYA SA PAMPASAHERONG JEEP NAKIPAG-AGAWAN SA WALIS LOLO MINALAS LOLO ITINUMBA NG RIDING IN TANDEM (Niratrat habang papunta sa simbahan) LOLO BIKTIMA NG MISTAKEN IDENTITY LOLO NAHAGIP NG TREN 106-ANYOS NA LOLO SURVIVOR NG COVID-19 LOLO NIRAYUMA SA PAGTAKAS SA PULIS LOLO, 3 PA ARESTADO SA SHABU