PAMPANGA-NASAKOTE sa isinagawang buy bust operation ang isang Lolo na kilalang tulak ng ipinagbabawal na droga sa bayan ng Guagua sa lalawigang ito.
Sa inisyal na report ni Pampanga, acting PNP Provincial Director Col. Jonas Amparo kay PNP regional Director BGen. Matthew Baccay, kinilala ang suspek na si Angelito Bartolo alyas Lito, 60-anyos, residente ng Brgy, San Jose sa bayang ito.
Base sa report nagpanggap na poseur buyer ang isa sa mga tauhan ng Drug Enforcement Unit na nagresulta sa pagkakadakip ng suspek.
Nakumpiska mula sa suspek ang 55 gramo ng shabu na nagkakahalaga ng P 374,000.00, tatlong cellular phones at marked money.
Samantala, paglabag sa Sec. 5 & 11, Art. II ng R.A. 9165 ang isasampang kaso laban sa drug pusher. THONY ARCENAL