BULACAN – SWAK sa kulungan ang 64-anyos na senior citizen makaraang habulin ng saksak ang kanyang kinakasama na nakahingi ng tulong sa awtoridad sa Brgy. Mojon, Malolos.
Base sa report ni P/Lt.Col. Jacquiline Puapu, Malolos City police chief, kay P/Col. Lawrence B. Cajipe, Acting Provincial Director ng Bulacan PNP, nakilala ang suspek na si Tirso De Leon ng nasabing barangay.
Nabatid na kamakalawa nang komprontahin ng suspek ang kanyang live-in partner na si alyas Vicky, 40-anyos, dahil nabalitaan nitong may karelasyong ibang lalaki kaya nagtalo sila hanggang biglang bunutin ng suspek ang kanyang patalim at tinangkang saksakin ang kinakasama ngunit nagawang makaiwas at makatakbo ng biktima saka nagsumbong kaagad ito sa awtoridad.
Nakagresponde ang Malolos City police kaya naaresto ang matandang suspek na kusa namang sumama sa awtoridad at nahaharap ito ngayon sa kasong kriminal. MARIVIC RAGUDOS
Related posts:
DOUBLE WHAMMY SA LOLO NA NABANGGA AT NAGULUNGAN
LOLO NALANGO, BAHAY NAABO
LOLO NABAGSAKAN NG BATO SA QUARRY SITE
LOLO BALIK ‘OBLO’, PAGLAYA SA BISA NG GCTA NAUDLOT
LOLO TINARAKAN SA LOOB NG MOTEL
76-ANYOS NA LOLO, DALAWA PA DAKIP SA RAPE
3 LOLO NA MOST WANTED SA RAPE DINAMPOT
INILIKAS NA LOLO INATAKE
Comments are closed.