LRT 1, 2 WALANG OPERASYON SA MAUNDY THURSDAY HANGGANG EASTER SUNDAY

MATITIGIL ang operasyon ng Light Rail Transit (LRT) Lines 1 at 2 mula Maundy Thursday hanggang Easter Sunday.

Sa kanilang abiso kamakailan, sinabi ng Department of Transportation na ang LRT Line 1 at Line 2 ay mawawalan ng operasyon sa nasabing Mahal na Araw at magsisimula ulit ang pagtakbo sa Lunes, Abril 22.

Magkakaroon ang LRT 1 ng operating hours mula Roosevelt Avenue sa Quezon City hanggang  Baclaran sa Pa­rañaque City mula 4:30 a.m. hanggang 10:15 p.m. at pabalik mula 4:30 a.m. hanggang 10 p.m. mula Holy Monday (Abril 15) hanggang Holy Wednesday (Abril 17).

Sa kabilang banda, ang LRT 2 ay magkakaroon ng operating hours mula sa Santolan sa Pasig City hanggang  Recto, Manila mula 4:30 a.m. hanggang 7 p.m. at Manila hanggang  Pasig mula  4:30 a.m. hanggang 7:30 p.m. mula Holy Monday (Abril 15) hanggang  Holy Wednesday (Abril 17).

MRT WALANG OPERASYON BUONG SEMANA SANTA

Nauna rito, inabisuhan ding ng Metro Rail Transit Line 3 (MRT-3) ang kanilang mga pasahero na mawawala ang kanilang operasyon sa buong Semana Santa, mula  Holy Monday hanggang Easter Sunday, para bigyang-daan ang kanilang maintenance works.

“The preventive and maintenance activities would include the replacement of critical turnouts or switches, rail grinding, structur-al testing, topographic survey and monitoring activities for MRT-3 structures,” sabi nila.

Magsisimula rin ang MRT ng kanilang regular na operasyon sa Lunes, Monday, Abril 22.    PNA