MASAYANG ibinalita ng operator ng LRT-2 na sila ay magbibigay ng libreng gupit at masahe sa lahat ng tatay na sasakay ng tren ngayong Linggo, Father’s Day.
Ang libreng serbisyo ay magiging available mula alas-8 ng umaga hanggang alas-12 ng tanghali ngayong araw, pahayag ng Light Rail Transit Authority sa Twitter.
“With your sacrifices, valuable advices, protective guidance and your tireless struggle to make ends meet, you deserve some treat,” pahayag ng LRTA sa kanilang Tweet.
Ang libreng gupit at masahe ay ibibigay sa “first come, first served’’ basis sa LRT-2 Santolan at Cubao stations, ayon sa LRTA.