PARAÑAQUE CITY – NAGKAROON ng aberya sa biyahe ang LRT-line 1 dahil sa nagkaproblemang tren nito.
Ilang minutong naantala ang biyahe ng LRT-1 partikular ang mga tren na galing Baclaran sa Paranaque City patungong Roosevelt sa Quezon City.
Alas-6:18 ng umaga ng Lunes, Hunyo 10, nang unang nag-abiso ang LRT-1 na umiiral ang 15kph speed restriction dahil sa nagkaproblemang tren.
Alas-6:24 naman ng umaga nang mag-abiso ang LRT-1 na itinigil muna ang operasyon ng mga tren mula Baclaran hanggang Roosevelt.
Ayon sa LRT-1, mayroong tren sa Blumentritt na nagkaproblema.
Habang alas-6:26 ng umaga nang maibalik sa normal ang operasyon nito.
Pero pinayuhan ang mga pasahero na maglaan ng ilang minutong mas maaga sa kanilang biyahe dahil nagdulot ng paghaba ng pila sa ilang estasyon ang naranasang aberya. PILIPINO Mirror Reportorial Team
Comments are closed.