MAY handog na sorpresa ang LRT line 2 sa mga ama sa pagdiriwang ng Father’s Day sa Linggo.
Nag-abiso ang LRT-2 na mayroon silang treat para sa mga tatay at bibigyan sila ng ride na naaayon para sa isang “hari”.
Hindi agad tinukoy ng LRT-2 kung anong ang kanilang regalong ito sa mga ama ng tahanan.
Ipagkakaloob ang sinasabing sorpresa para sa mga tatay sa Recto at Santolan Stations ng LRT-2 alas-9:00 ng umaga hanggang alas-12:00 ng tanghali habang sa Cubao Station mula alas-9:00 ng umaga hanggang alas-12:00 ng tanghali at alas-3:00 ng hapon hanggang alas-6:00 ng gabi.