UMAPELA ang Land Transportation Franchising and Regulatory Board (LTFRB) sa transport group na Piston na huwag nang ituloy ang plano nitong tatlong araw na tigil-pasada.
Sinabi ni LTFRB Chairperson Teofilo Guadiz III na nakipag-ugnayan siya kay Piston National President Mody Floranda sa pag-asang magkaroon ng kompromiso para sa kapakanan ng mga commuter.
Nagbabala rin si Guadiz na maaaring bawiin o suspindehin ang prangkisa ng mga jeepney driver na sasama sa protesta.
Matatandaan na sinabi ni Floranda na kakanselahin lamang ng Piston ang transport strike kung susundin ng gobyerno ang mga kahilingan nito hinggil sa public utility vehicle (PUV) modernization program.
Kabilang dito ang pagbasura sa consolidation requirement na kanilang pinangangam-bahang mag-aalis ng single unit operators at mga franchise ng ruta.
Kaugnay nito, sinabi ni Floranda na maninindigan ang kanilang grupo sa pag-kasa ng tatlong araw na transport strike na magsisimula sa Lunes, Nobyembre 20.
Iginiit ng LTFRB na mahalaga ang pag-sasamasama ng pran-gkisa lalo’t mas ma-giging madali para sa mga jeepney driver at operator na sumunod sa moderization program.
EVELYN GARCIA
Related posts:
(Inihirit sa gitna ng oil price hikes) P2 TAAS-PASAHE SA PUVs
(Inihirit ng 3 transport groups) ₱5 DAGDAG SA PASAHE SA JEEP
PAGLILIPAT NG PUV FRANCHISE PUWEDE NA
(Inaprubahan ng LTFRB para sa FIBA World Cup) SPECIAL PERMIT SA 53 BUS
(Gugulong na ngayong araw) FUEL SUBSIDY DISTRIBUTION SA PUV DRIVERS
(Jeepney, taxi drivers unang tumanggap) PAMAMAHAGI NG FUEL SUBSIDY GUMULONG NA
(Reklamo ng transport group) ILANG PUV DRIVERS WALA PANG FUEL SUBSIDY
PAMAMAHAGI NG FUEL SUBSIDY TULOY-TULOY NA