ISINUMITE na ng House Committee on Ways and Means ang inaprubahan nitong House Bill 9277 na naglalayong ibaba ang buwis na.ipinapataw sa stock transaction at panalo sa lotto, gayundin ang dividends tax at documentary stamp tax.
Nabatid na sa ilalim ng HB 9277, mula sa kasalukuyang 6/10 ng 1% ay gagawing 1/10 ng 1% ang stock transaction tax.
Ibababa rin ng panukala ang dividends tax rate para sa non-resident aliens mula 25% ay gagawin na lamang 10%.
Hinggil naman sa final tax rate para sa Philippine Charity Sweepstakes Office (PCSO) at lotto winnings, nakasaad sa naturang panukalang batas na mula 20% ay magiging 10% na lamang ito.
Subalit mananatiling exempted sa buwis ang mga panalo sa lotto na hindi lalampas sa P10,000.
Ang lahat naman ng documentary stamp tax na ipinapataw sa lotto tickets ng PCSO at horse-race betting ay gagawin na lamang 10% mula sa kasalukuyang 20%. ROMER R. BUTUYAN
Related posts:
PRESYO NG LOTTO TICKET BALIK SA P20
5 PARAAN PARA PALAGUIN ANG NEGOSYO MO NGAYON
6 BAGAY NA DAPAT TANDAAN KUNG NAIS IBENTA ANG NEGOSYO
4 NA MAKABAGONG TEKNOLOHIYA PARA SA IYONG NEGOSYO
PAANO NAGKANEGOSYO ANG ISANG EMPLEYADO
BUHAYIN ANG NEGOSYO GAMIT ANG SARILING TRUCK MO!
5 USAPING LEGAL NA NAKALILIGTAAN NG MGA STARTUP NA NEGOSYO
3 IMPORTANTENG DAPAT GAWIN BAGO MAG-LAUNCH NG STARTUP NA NEGOSYO