(Lusot na sa Kamara) TAX EXEMPTION SA INCENTIVES NG ATLETA

APRUBADO na sa ikatlo at huling pagbasa sa Kamara ang panukalang naglalayong mailibre sa buwis ang mga reward, cash gift o incentives at mga kahalintulad na matatanggap ng nanalong national athletes at coaches sa international sports competitions.

Sa botong 205 na sang-ayon at wala namang pagtutol ay napagtibay na sa plenaryo ang House Bill 9990 o ang panukalang “Hidilyn Diaz Act”.

Sa oras na maging ganap na batas ang panukala, ililibre sa pagbabayad ng donor’s tax at iba pang taxes, fees at charges ang lahat ng uri ng cash gifts na matatanggap ng national athletes at coaches na mananalo ng gold, silver at bronze medal mula sa international sports competition.

Sakop nito ang Olympics, Southeast Asian Games, Asian Games,  Youth Olympic Games, Paralympic games at iba pang international sports competition.

Isinusulong na gawing retroactive ang tax exemption ng mga nanalong atleta mula January 2021 hanggang sa ginanap na 2020 Tokyo Olympics.

Pinaglalatag din ang Department of Finance (DOF) at Bureau of Internal Revenue (BIR) ng safety measures upang matiyak na naibigay nang buo ang cash incentives sa nanalong manlalaro. CONDE BATAC

Related posts:

(Sisilipin ng Kamara) 20% DISCOUNT SA ATLETA BUWIS SA E-SABONG APRUB NA SA KAMARA NATURALIZATION NG 2 FOREIGN PLAYERS APRUB NA SA KAMARA OLYMPICS MEDAL-WINNING BOXERS PARARANGALAN SA KAMARA (Isinusulong sa Kamara) TAX EXEMPTION SA MEDICAL OXYGEN, SUPPLIES (Aprub na sa Kamara) TAX EXEMPTION SA HONORARIA NG POLL WORKERS (Aprub na sa Kamara) TAX EXEMPTION SA MEDICAL SUPPLIES, OXYGEN (Aprub na sa Kamara) TAX EXEMPTION SA MEDICAL SUPPLIES