MAY magandang development kaugnay sa bentahan ng bigas.
Ito ay nang tiyakin ni National Food Authority Administrator Larry Lacson na makabibili na ng nasa 7.2 milyong sako ng bigas na tig-50 kilo ang timpani.
Ang bibilhing bigas ay nagkakahalaga ng P25 kada kilo.
Ang pahayag ay ginawa ni Lacson matapos na i-release ang palay procurement budget na nagkakahalaga ng P9 billion.
Ang naturang volume ay naaayon sa palay procurement target ng NFA para sa wet season na 6.4 million hanggang 8.7 million bags, upang makamit ang kanilang procurement goals.
Hawak na ng NFA ang natitirang P9 billion budget para sa palay procurement ngayong taon kung saan ang nasabing pondo ay makatutulong sa gobyerno na suportahan ang rice farmers habang wet season.
Una nang sinabi ni Agriculture Secretary Francisco Tiu Laurel Jr. na magkakaroon ng sapat na pondo ang NFA para suportahan ang rice farmers habang wet season na kritikal para sa kanilang kabuhayan sa mahirap na panahon na ito.
Matatandaan na kamakailan lang ay in-adjust ng NFA ang buying price range para sa palay at binabaan ito mula sa dating P25 hanggang P27 kada kilo.
Dahil sa pahayag na iyan ng DA, aasahan ng consumer ang mababang presyo sa bigas.
Related posts:
(Inaasahan sa 2nd half ng taon) PRICE CUT SA BIGAS
(NFA nakatutok) BUFFER STOCK NG BIGAS PATATAASIN
NFA COUNCIL PUMAYAG NA IBENTA ANG LUMANG BIGAS PARA SA SENIOR CITIZENS
NFA ITINAAS ANG BUYING PRICE NG PALAY
GOV’T NAGSIMULA NANG BUMILI NG PALAY SA MAS MATAAS NA PRESYO
(Suportado ng DA) PLANONG MULING PAYAGAN ANG NFA NA BUMILI, MAGBENTA NG BIGAS
(Target ng DA sa Hulyo) PRESYO NG BIGAS IBABABA SA P30/KILO
IMBENTARYO NG BIGAS TUMAAS