MADRID, Spain – Sinamahan ni Novak Djokovic si Rafael Nadal bilang 33-time Masters champion makaraang walisin si Stefanos Tsitsipas, 6-3, 6-4, upang kunin ang kanyang ikatlong Madrid Open title.
Nadominahan ng world number one ang halatang pagal nang katunggali sa loob ng wala pang 24 oras matapos na gulantangin ng 20-year-old Greek si five-time champion Nadal sa semifinals na natapos ng hatinggabi noong Sabado.
Tatangkain nina Djokovic at Nadal na kunin ang ika-34 Masters title sa Rome ngayong linggo bago ang Roland Garros na aarangkada sa Mayo 26.
“This is a very important win for me, especially for my confidence,” anang 15-time Grand Slam winner na si Djokovic.
“I was not playing my best after winning the Australia Open but I started this week well, not dropping a set all through. I’ve played some of my best tennis here.”
Pinapurihan ni Tsitsipas si Djokovic na hahawakan ang lahat ng apat na Slam titles kapag nakopo niya ang ikalawang French Open sa susunod na buwan.
“It’s inspiring what you do, simply amazing. You deserve it,” sabi ng Greek patungkol sa Serb.
“You had a great week. It was also a great one for me, with good memories and good crowd support.”
