(Mag-aagawan sa huling F4 slot) BLAZERS O ALTAS?

Laro ngayon:

(Filoil Flying V

Centre)

3 p.m. – CSB

vs Perpetual

PAG-AAGAWAN ng Univesity of Perpetual Help System Dalta at ng College of Saint Benilde ang nalalabing Final Four slot sa NCAA men’s basketball play-in stage ngayong Miyerkoles sa Filoil Flying V Centre.

Ang magwawagi sa 3 p.m. ay makakaharap ng defending champion at top ranked Letran sa Final Four sa Linggo.

Ang isa pang semifinal pairing ay ang No. 2 Mapua vs No. 3 San Beda.

Batid ni CSB coach Charles Tiu na kailangang iangat ng Blazers, na tinalo ang Altas, 83-73, noong April 9, ang kanilang lebel ng paglalaro.

“They’re on a roll playing with a lot of confidence. Lots of individual talent there. It’s going to be a challenge defending them in this game. And the elimination game means nothing now,” sabi ni Tiu patungkol sa Perpetual.

Ang CSB ay huling nakapasok sa Final Four noong 2002.

Samantala, determinado naman ang Altas na makabalik sa Final Four makaraang hindi makausad noong 2019.