BATAAN – ARESTADO ang mag-ama na umano’y mga kilabot na drug pusher, at anim pang mga parokyano, sa illegal drugs operation sa liblib na lugar na tinitirhan ng mga ito na nasa tabi ng Subic Clark Tarlac Expressway (SCTEX) sa Barangay Palihan, Hermosa.
Sa ulat ni Hermosa Municipal Police Station Chief, Sr. Insp. Phoe Pangan kay Bataan Police Director Sr. Supt. Marcelo Dayag, naaresto ng pinagsanib na puwersa ng Police Regional Drug Enforcement Unit at Hermosa PNP ang mag-amang suspek na sina Restituto at Kenneth Cabiling.
Isinailalim ng awtoridad sa surveillance ang mag-amang suspek hinggil sa ilegal umanong gawain ng mga ito kung saan nang magpositibo ay agad ikinasa ang buy bust operation.
Tiyempo namang naroon sa lugar ang tatlo pang parokyano ng mga ito nang abutan sa operasyon kung saan nakumpiskahan ang mga suspek ng mga pakete ng hinihinalang shabu na binili sa mag-amang Cabiling.
Nakumpiska sa mga suspek at parukyano ng mga ito ang umano’y mga droga na nagkakahalaga ng P200,000 na gamit ng mga ito sa pakikipagtransaksiyon at marked money na ginamit sa buy bust. ROEL TARAYAO
Related posts:
PAGKASA NG TULAK ‘DI UMUBRA SA PARAK
TULAK TIMBOG NG PDEA, P6-M SHABU NAKUMPISKA
MAG-UTOL NA LADY PUSHER, 1 PA BALIK-SELDA
3 TULAK ARESTADO SA P4.2-M SHABU
PUSHER KUMASA SA PARAK TUMBA
TULAK NA DE SUMPAK TUMBA, 2 PA TIMBOG SA DRUG WAR
P11.5-M SHABU KUMPISKADO SA APAT NA PUSHER
PAGPALAG NG TULAK ‘DI UMUBRA SA PARAK
Comments are closed.