DAVAO DEL NORTE – PATAY ang mag-asawa matapos na pagbabarilin ng hindi pa nakikilalang suspek nitong Lunes ng gabi sa Barangay San Miguel, Santo Tomas.
Nakilala ang mga biktima na sina Rafael Mirandilla at Cresencia Mirandilla, pawang mga residente ng Barangay Kinamayan sa naturang bayan.
Batay sa ulat ng PNP, naganap ang insidente sa liblib na lugar sa Barangay San Miguel habang pauwi ang mga biktima sa kanilang bahay lulan ng motorsiklo.
Inabangan ng mga suspek ang mga biktima at pinagbabaril ito na naging dahilan ng kanilang agarang kamatayan.
Matapos ang insidente ay mabilis na tumakas ang mga suspek.
Patuloy ang imbestigasyon sa insidente upang malaman kung sino ang nasa likod ng pagpatay at kung ano ang motibo nito.
EUNICE CELARIO
