MAG-ASAWANG HULI SA TINANGGAP NA DROGA SA BUS

CAGAYAN – ARESTADO ang mag-asawa na naaktuhang tinatanggap ang package na  padala sa kanila sa bus sa Tuguegarao City.

Sa ulat, galing ng Maynila ang bus habang nag-abang ang mag-asawang sina Erlin Vea at Mark John Casibang, residente ng Barangay Buntun.

Ayon sa Tuguegarao City Police, nakatanggap sila ng impormasyon  kaugnay sa package na naglalaman ng droga mula Maynila kaya inaba­ngan nila ito sa terminal na pampasaherong bus sa Brgy. Pengue Ruyu, Tuguegarao City, Cagayan.

Sa operasyon ng awtoridad sa isang bus terminal sa nasabing lugar nahuli ang mag-asawang suspek matapos tanggapin ang padala sa log book.

Nagpositibo na ang padalang package sa mag-asawa na naglalaman ng droga ay nakalagay sa tatlong damit na panglalake sa loob ng paper bag ng suriin ito ng pulisya ay nakita ito sa sleeve ng damit na naka-tape na pakete ng shabu na mariing pinabulaanan naman ng mag-asawang suspek ang mga alegasyon laban sa kanila at itinanggi na hindi sa kanila ang padala kahit pa nakapangalan ito kay Erlin Vea. IRENE GONZALES