PANGASINAN- TATLO katao kabilang na ang mag-ina ang namatay sa sunog matapos na makulong sa kanilang bahay na tinupok ng apoy sa Binmaley sa lalawigang ito.
Batay sa report, nangyaring sunog sa Barangay Baybay Lopez, sa nabanggit na bayan ng Pangasinan.
Nakita ng mga tauhan ng Bureau of Fire Protection (BFP) ang sunog na bangkay ng mga biktima sa isang kwarto.
Hindi pa tukoy kung ano ang sanhi ng sunog.
“Yung iimbestigahan namin kung saan nagsimula ‘yung sunog at yung cost of damages,” sinabi ni FO1 Denissa Vinluan, Public Information Officer ng Binmaley Fire Station.
Bukod sa bahay ng mga nasawi, tatlong katabing bahay din ang nadamay sa sunog. EVELYN GARCIA
