RIZAL -Dead on the spot ang mag-ina makaraang suruin ito ng isang Toyota innova Wagon na sakay ang isang pamilya kamakalawa sa lungsod ng Antipolo.
Nauwi sa pagkamatay ng mag-ina ang nangyaring road crash accident sa Sumulong Highway, La Veranda, Brgy. Sta Cruz.
Ayon sa isinagawang Standard Operating Procedure (SOP) ng PNP Antipolo, sakay ng isang motorsiklo ang mag – ina at maingat na binabagtas paakyat ang Antipolo, habang ang sinasakyang innova naman ng suspek, kasama ang kanyang asawa at anak, ay mawalan ng kontrol dahilan para ito’y mag-overshoot sa kabilang lane at tumbukin ang mag-ina.
Patay sa mismong pinangyarihan ang 53-anyos na ina at ang kanyang anak na lalake na 25-anyos na hindi pa kapwa pinangalanan .
Kasalukuyan namang nasa ospital din ang driver na naka hospital arrest kasama ang kanyang asawa, kanilang anak upang sumailalim sa ilang gamutan.ELMA MORALES
