BULACAN- ARESTADO sa isinagawang entrapment operation ng pinagsanib na puwersa ng Philippine Drug Enforcement Agency at Philippine National Police ang tatlo katao kabilang ang magkapatid sa Recanati Homes Quarry Brgy. Proper sa San Jose del Monte nitong Martes ng gabi.
Base sa report, ganap na alas-7:20 kamakalawa ng gabi nang madakip ang magkapatid na sina Jeamwiel , 24-anyos at Jewarly Garil y Cabalse, 21-anyos kabilang ang isang Miguel Rosas y Limun, 25-anyos.
Sa paunang imbestigasyon ng mga awtoridad 6 na plastic sachets na tumitimbang ng 25 gramo na nagkakahalaga ng P172,500.00 at assorted drug paraphernalias at buy bust money.
Samantala, kasong paglabag sa Comprehensive Dangerous Drugs Act of 2002 ang isasampa laban sa mga suspek. THONY ARCENAL
