NUEVA ECIJA – Arestado ang mag-utol na babae sa isinagawang buy bust operation ng mga tauhan ng San Jose City Police at ang tatlong katao na kapwa wanted sa batas dahil sa iba’t ibang kaso sa nabanggit na lungsod.
Sa report na ipinadala ni Supt. Heryl Bruno, kay PNP Provincial Director, Sr. Supt. Leon Victor Rosete, kinilala ang magkapatid na suspek na si-na Julie Ann at Jolbelle Gabay kapwa nasa hustong gulang residente ng Brgy. Abar 1st.
Base sa inisyal na imbestigasyon ng mga awtoridad nagpanggap na buyer ang isa sa mga pulis, kung saan magkasamang nakipagtransaksiyon ang mga suspek.
Nakuha sa kanila ang anim na plastic sachet ng hinihinalang shabu.
Samantala, nadakip din sa isinagawang man hunt operation ang tatlong katao na kapwa wanted sa iba’t ibang kaso, kabilang dito sina Nilo Soro Y Sabado na inaresto sa bisa ng warrant of arrest sa kasong Estafa, BP 22, Rodrigo Montoya Y Guillermo na sangkot sa kasong Grave Threats mula sa sala ni Honorable Judge Analie C. Aldea-Arocena.
Nadakip din via warrant of arrest si Lucena Sampilo y Pilero, na may cc.no. 5617-19 sa kasong paglabag sa Sec.10 republic Act 7610 mula sa sala ni Hon. Judge Cynthia Martines Florendo.
Detenido ngayon ang mga suspek sa San Jose City jail. THONY ARCENAL
Comments are closed.