MAGKAPATID NA TONI AT ALEX GONZAGA NAGBUKAS NG NEGOSYONG SHAWARMA

KASAMA ng lumalaking Happy Cup nina Toni at Alex Gonzaga ang kanilang Mommy Pinty na siyang namamahala sa marketing ng Milk Tea shop ng kanyang mga daughter.  Ang balita pa sa amin ni Mommy Pinty ay may iba pang negosyo sina Toni at Alex at ito ay ang sariling franchise ng mag-sister na Khaleb Shawarma.

Sa video na uploaded sa Instagram ng dalawang Kapamilya hosts ay sinubukan niyang kumain ng cheese-flavored Shawarma na parte ng kanilang food tasting. Pareho nila itong in-enjoy  at marami agad ang sumugod sa kanilang branch sa Walter Mart, 8001 Epifanio de los Santos Ave, Project 7, Quezon City, Metro Manila para subukan ito at presto nagustuhan ito ng mga customer.

BEAUTY QUEEN ACTRESS FAYE TANGONAN PROUD SA BAGONG AWARD

MULA sa Hawaii ay nagpahinga lang ng kaunti at kinabukasan ay personal na tinanggap ni Miss Universe International Faye Tangonan ang kanyang bagong award sa “Best Philippine Empowered Men and Women of the Year 2019.” Isa si Ms. Faye sa pinagkalooban ng parangal ng RDH Entertainment Network ni Mr. Richard Hinola at ginanap ito sa Music Museum kung saan majority ng awardees in the field of showbiz, politics, businessman, ay dumalo.

Another big achievement for Ms. Faye ang nasabing award at lahat ng awards na kanyang tinanggap ay treasured niya dahil alam niyang deserving siya sa pagkilalang ito  sa kanya.

Ilan sa factors kung bakit napabilang ang nasabing beauty title holder sa Best Philippine Empowered Men and Women ay dahil sa rami ng nakuhang title sa pagiging beauty queen at isa ring matagumpay na realtor (Kauai Realty) sa Honolulu, Hawaii.

Siya rin ang CEO ng Lakay Beach Resort sa lugar na kinalakihan sa Claveria, Cagayan. At sa mga hindi nakaaalam ay isa ring mahusay na singer si Ms. Faye na nakagawa ng ng sarili niyang Ilocano CD Album. Pinasok na rin nito ang paggawa ng pelikula kung saan siya ang lead actress sa “Bakit Nasa Huli Ang Simula,” at makakasama niya sa film na produced at ididirek ni Romm Burlat sina William Martinez, Jay-R Ramos, Lance Raymundo, Lester Paul Recirdo, Noa Hyun at Maverick Garcia.

Sa March 23 na magsisimulang mag-shooting ang buong cast and mega excited na si Ms. Faye na makatrabaho ang co-actors at si Direk Romm. “I feel excited and nervous at the same time. Pero I know kakayanin ko ito lalo’t very supportive sa akin si Direk Romm na itinuturing ko na ring good friend in the industry,” say pa ni Faye nang aming tanungin kung may kissing scene ba siya sa isa sa mga actor dito ay biglang napatawa nang malakas sabay sabing panoorin na lang daw ang movie nila.

EAT BULAGA  HATAW NA RIN SA YOUTUBE, PINAGKALOOBAN

NG GOLD PLAY BUTTON SA 3.3M  SUBSCRIBERS

SA Instagram ng Eat Bulaga ay idinispley nila ang milestone na nakuha nila kamakailan sa YouTube kung saan ipinagkaloob sa EB Dabarkads ng YT ang Gold Play Button. Binibigay ang ganitong recognition sa YT channels na mayroong 1`million subscribers. Ang video ng may pinakamaraming views ay ang unang kilig moment nina Alden Richards at Maine Mendoza na mahigit 3.3 million ang nahamig na views. ‘Yung Facebook Fan Page naman ng EB ay mayroon ng 15,297, 113 followers and still counting.