MAYNILA – NATAGPUAN pang magkayakap ang walang buhay na katawan ng dalawang magkapatid makaraang malitson ng buhay habang nasusunog ang kanilang bahay sa Tondo, Martes ng madaling araw.
Ayon sa inisyal na ulat ng Bureau of Fire Protection (BFP), nakilala ang mga biktima na sina Ckrezhan Franchine Jagunos, 15, dalagita at kapatid na si Hazel Lance, 12-anyos, lalaki at kapwa mga estudyante at residente sa 1153 Soriano St., Tondo, Manila.
Nabatid na dakong alas-3:30 ng madaling araw nang sumiklab ang sunog sa bahay na pag-aari ni Fely Galang na inuupahan naman ng pamilya ng biktima.
Naiwan umano ng ina ng mga biktima na si Gemma, 36, negosyante, ang kanyang niluluto nang mamalengke ito dahilan upang magkasunog.
Umabot sa ikalawang alarma ang sunog at idineklarang fire out dakong alas-4:47 ng madaling araw.
Nadamay ang anim na kabahayan dahilan para mawalan ng tirahan ang 12 pamilya habang nasa 100 libong halaga naman ang na-pinsala ng sunog. PAUL ROLDAN
Related posts:
KABI-KABILANG SUNOG SA METRO
BEBOT NA-TRAP SA SUNOG
APARTMENT NASUNOG, BABAE NADALE
(Anggulo ng arson tinitingnan) STAR CITY NASUNOG
783 PAMILYA NASUNUGAN SA NAVOTAS, 1 PATAY
3 MAGKAKAPATID NA PASLIT NADALE SA SUNOG, 2 PA SUGATAN
(Daang pamilya nawalan ng bahay) SUNOG SA RESIDENTIAL AREA, P800K NAABO
5 NANUNOG KAY EX-CONG MENDOZA, 2 PA HULI NG PNP-CIDG
Comments are closed.