MAGSASAKA NAKORYENTE HABANG NANGHUHULI NG IGAT

DELFIN ALBANO- ISANG  magsasaka ang patay nang matagpuan ng kanyang pamilya na pinaniniwalaang nakoryente habang nanghuhuli sa isang sapa ng mga igat  dakong alas-9 ng gabi habang kasagsagan ng ulan  sa Maui.

Ang biktima ay nakilalang si Enerson Doddo, 35-anyos, isang magsasaka at residente  ng nasabing barangay.

Sa nakuhang impormasyon sa Delfin Albano Police Station, lumabas sa imbestigasyon ng mga pulis na nagtungo sa sapa si Doddo para kumuha ng mga igat at hindi na nakauwi sa kanilang tahanan at natagpuan na lamang ang kanyang bangkay.

Pinaniniwalaan na aksidenteng nahawakan ni Doddo ang livewire ng isang water pump na dinadaluyan ng libong boltahe ng koryente dahilan ng kanyang pagkamatay.

May hinala ang pulisya na posibleng nabalatan ang ilang parte ng wire kaya nakoryente ang biktima. IRENE GONZALES