MALAGIM ang sinapit ng isang magsasaka nang mahulog sa bangin ang sinasakyan nitong el f truck sa Sitio Bato. Barangay Bashoy, Kabayan, Benguet.
Kinilala ng Kabayan Police ang nasawi na si Marfil Liwan Sumakey, may asawa at residente sa nasabing lugar.
Patungo ang truck sa pababang bahagi ng kalsada nang dumulas ang gulong nito dahil sa bato at buhangin.
Nawalan ng control ang driver kaya dumiretso ito sa bangin.
Dahil sa matinding pagkabagok ng ulo at pagkabugbog sa katawan ay namatay ang biktima habang halos malasog ang sasakyan nang mahulog sa lalim na 60 metro.
Agad namang iniutos ni Kabayan Mayor Basilio Louie Daoal Jr. ang pagsasaayos ng kalsada upang hindi na maulit ang nasabing trahedya.