ISABELA – PATAY ang isang lolo matapos itong pagbabarilin sa loob ng kanyang bahay ng hindi pa nakikilalang suspek sa Brgy. San Antonio, Cabagan dito.
Kinilala ang biktima na si Gaudencio Uy, 63, may-asawa at isang magsasaka.
Batay sa report, habang umiinom ng alak sa loob ng kanilang bahay ang biktima kasama ang kanyang misis ay biglang dumating ang suspek at bigla na lamang siyang pinagbabaril ng maraming beses.
Agad na binawian ng buhay ang biktima dahil sa mga tinamong tama ng bala ng baril sa katawan.
Sa pagresponde ng mga awtoridad ay narekober sa pinangyarihan ng krimen ang ilang basyo ng M16 Riffle.
Hanggang ngayon ay patuloy ang imbestigasyon ng PNP Cabagan sa insidente. REY VELASCO
