NANAWAGAN ang mga miyembro ng Alliance of Concerned Teachers (ACT) party-list sa Commission on Elections (Comelec) para sa mas mataas na bayad sa mga guro na magseserbisyo sa halalan sa May 2022 elections.
“Nu’ng mga nagkasakit ang mga kapwa ko guro, namatay, nagka-COVID, na-hospitalize, hindi P500 ang binabayad namin sa ospital. Nasaan ang puso ng ating gobyerno, ng ating Comelec?” ang may hinanakit na pahayag ni ACT member Kristhean Navales.
Pumayag ang Comelec na taasan ng P2,000 ang honoraria at ibang allowances ng poll workers, lalo’t inaasahan na ang mahabang oras ng botohan dahil sa pandemya.
Ang inaprubahang honoraria ng Comelec para sa Chairperson ng Election Board ay P7,000, sa EB – P6,000, DESO ay P5,000, Support staff ay P3,000 at Medical personnel ay P3,000.
Ang hinihingi naman ng ACT ay itaas ito ng P3,000.
Ayon sa ACT, hindi lamang sa araw ng eleksiyon nagsisilbi ang mga guro kundi pagkatapos din ng halalan at nalalagay sa peligro ang buhay ng mga ito. RIZA ZUNIGA
Related posts:
HIRING NG 10K TEACHERS (Ipinagpapatuloy ng DepEd)
(Apela ni Bongbong Marcos) PAGBAKUNA SA MGA GURO PABILISIN
GURO, ESTUDYANTE HINIMOK NA MAGPAREHISTRO PARA SA 2022 POLLS
(Di makakuha ng teachers board exam) KAKULANGAN NG GURO NAKABABAHALA
(Sa pilot test ng limited face-to-face classes) BAKUNA SA MGA GURO MADALIIN
P100K SA GURONG HINIRANG BILANG 2021 OUTSTANDING FILIPINOS
GURO SA TIKTOK NAG-SORRY
KALIGTASAN NG MGA MAG-AARAL, GURO ITAGUYOD SA MULING PAGDAMI NG KASO NG COVID-19